Otyrysta áýe kemeleriniń bortynda jasalatyn qylmystar jáne keıbir basqa da aktiler týraly konvensııany (1963 jylǵy, Tokıo) jáne Áýe kemeleriniń bortynda jasalatyn qylmystar jáne keıbir basqa da aktiler týraly konvensııany ózgertetin Hattamany (2014 jylǵy, Monreal) ratıfıkasııalaý týraly zań jobasy talqylandy.
Ratıfıkasııalaýdyń maqsaty Halyqaralyq azamattyq avıasııa uıymy assambleıasynyń 39-shi sessııasynyń sheshimin júzege asyrý bolyp tabylady.
Bul halyqaralyq sharttar áýe kemeleriniń bortynda tártipsiz minez-qulyqtyń jolyn kesý jáne tártipke baqylaý jasaýǵa baǵyttalǵan.
Konvensııaǵa sáıkes, Qatysýshy-memleketter, eger olar ushaq tirkelgen memleket bolyp tabylsa nemese ol áýe kemesin qondyrǵan memleket retinde kórinse áýe kemesiniń bortynda jasalǵan qylmystarǵa qatysty ózderiniń ıýrısdıksııasyn júzege asyrýǵa quqyly.
Konvensııa men Hattamada, sondaı-aq, áýe kemesiniń komandırleri men ekıpaj músheleriniń ushý kezinde tártipsiz jolaýshylarǵa qoldanatyn shekteý sharalary boıynsha ókilettikteri anyqtaldy jáne keńeıtildi.
Hattamada ekıpaj múshelerine, jolaýshylarǵa jáne qaýipsizdik qyzmeti qyzmetkerlerine tártipsiz jolaýshylarǵa qatysty aldyn alý sharalaryn qoldanýǵa múmkindik beretin normalar kózdelgen.
Qazaqstan Respýblıkasynyń qoldanystaǵy qylmystyq jáne ákimshilik kodeksterinde osy áreketter úshin jaýapkershilik qarastyrylǵan.
Osy halyqaralyq sharttardyń júzege asýy áýe kemesiniń bortynda mazasyz jáne tártipsiz jolaýshylarmen problemalardy sheshýge járdemdesedi.
Osy erejelerdi qabyldaý Birikken Ulttar Uıymy Qaýipsizdik Keńesiniń terrorızmge qarsy turý, sondaı-aq azamattyq avıasııa qozǵalysynyń qaýipsizdigi qaterine tıisti dárejede áreket etý talaptaryna sáıkes keledi.
Sondaı-aq, «Áýe kemelerin zańsyz basyp alýǵa qarsy kúres týraly konvensııany jáne Áýe kemelerin zańsyz basyp alýǵa qarsy kúres týraly konvensııany tolyqtyratyn Hattamany ratıfıkasııalaý týraly» Zań jobasy da deptýtattar talqysyna usynyldy. Áýe kemelerin zańsyz basyp alýǵa qarsy kúres týraly konvensııany tolyqtyratyn hattama 2010 jylǵy 10 qyrkúıekte Pekınde jasaldy.
Hattama áýe kemesin zańsyz basyp alý aktileriniń tizimin keńeıtedi. Atap aıtqanda, aeronavıgasııalyq júıelerine aralasý jáne kıber-shabýyldar qoldaný arqyly áýe kemelerine qosymsha baqylaý engizildi. Eger bireý osyndaı qylmys jasaý qaterin tóndirse, ol da qylmys dep eseptelinedi.
Hattamaǵa qylmystyq áreketterge qatysýdyń ártúrli formalary engizildi. Máselen, qylmys jasaýǵa oqtalǵan, ony uıymdastyrǵan, seriktes retinde qatysqan, basqa adamǵa jaýapkershilikten qashýyna ádeıi kómektesken, bir nemese birneshe adammen qylmys jasaýǵa sóz baılasqan adamdar qylmysqa qatysýshylar bolyp tabylady.
Búgin palata otyrysynda Májilis «2018-2020 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Zań jobasyn jumysqa aldy.
Sonymen qatar, depýtattar «Qazaqstan Respýblıkasynyń keıbir konstıtýsııalyq zańdaryna Qazaqstan Respýblıkasynyń ákimshilik-aýmaqtyq qurylysy máseleleri boıynsha ózgerister engizý týraly» Konstıtýsııalyq zań jobasyn, sonymen qatar oǵan ilespe zań jobasyn jumysqa aldy.
Jańa zań jobalarynyń qatarynda dene shynyqtyrý jáne sport máselelerine qatysty zań jobasy men Qazaqstan men Úndistan Úkimetteri arasyndaǵy BUU-nyń Lıvandaǵy Ýaqytsha kúshterindegi (BUULÝK) úndistandyq batalon quramynda qazaqstandyq bitimgershilik kontıngentti birlesip óristetý tártibi týraly ózara túsinistik týraly memorandýmdy ratıfıkasııalaý týraly Zań jobasy bar.
Jalpy otyrys sońynda halyq qalaýlylary ortalyq memlekettik atqarýshy organdarlyń basshylaryna birneshe depýtattyq saýaldar joldady. Olar G.Shegelskıı, Á. Bekturǵanov, S. Imasheva, M. Mahambetov, T. Syzdyqov, M. Temirjanov, B. Maken, A. Perýashev.
